Gruaja ukrainase e një çeçeni të akuzuar nga Rusia për komplot për të vrarë presidentin Vladimir Putin është qëlluar për vdekje jashtë Kievit, ndërsa i plagosur ka mbetur burri i saj.

Amina Okuyeva dhe Adam Osmayev ishin në makinë kur u qëlluan, ka deklaruar këshilltari i ministrisë së brendshme të Ukrainës, transmeton portali arbresh.info

Në deklaratë thuhet se Adam Osmayev është plagosur rëndë, por është jashtë rrezikut për jetën.

Autoritetet ruse e kanë akuzuar Osmayevin që ishte pjesë e një grupi islamist që tentonin të vrisnin presidentin rus, Vladimir Putin në vitin 2012.

Moska ka luftuar dy luftëra me separatistë në rajonin e Çeçenisë kryesisht myslimane që nga rënia e Bashkimit Sovjetik të vitit 1991. Rajoni tashmë është plotësisht nën kontrollin e Moskës, por çeçenët njihen se kanë luftuar për rebelët pro-rusë dhe për ushtrinë ukrainase në konfliktin në Ukrainës lindore./arbresh.info/